Arctic Fishery Alliance

ᐱᕙᓪᓕᐊᔪᑦ ᐱᓕᕆᐊᑦ

ᐃᖃᓗᒃᓯᐅᕐᓂᖅ ᐱᕙᓪᓕᐊᔪᖅ ᐱᒻᒪᕆᐊᓗᕗᖅ ᑲᑐᔾᖃᑎᒋᒃᑯᓐᓄᑦ. ᑮᓇᐅᔭᓕᐊᕆᕙᓪᓕᐊᔭᓂ ᐱᓕᕆᔾᔪᑎᒃᓴᓄᑦ ᐃᖃᓗᒃᓯᐅᕈᑎᒃᓴᓄᑦ ᐊᑐᖅᐸᓪᓕᐊᓗᒍ ᐱᕗᑦ. ᓄᓇᕗᒻᒥ ᓄᓇᑲᖅᑐᓄᑦ ᓇᖕᒥᓂᑲᖅᑐᓄᑦ ᐱᕙᓪᓕᐊᔪᑕᐅᔪᖅ ᐋᖅᑭᖑᒪᑦᑎᐊᕋᓱᐊᖅᖢᖑ.


ᑮᓇᐅᔭᓕᐊᒥᖕᓄᑦ ᐱᓕᕆᐊᒃᓴᓂᒃ ᐱᓕᕆᐊᖃᕈᒪᔪᑦ ᐅᑯᓂᖓ. ᐅᕝᕙ ᑐᕋᕋᓱᖅᑕᖏᑦ (1) ᐃᓄᐃᑦ ᐃᖅᑲᓴᐃᔭᕐᓗᑎᒃ ᐃᓕᓐᓂᐊᖅᐸᓪᓕᐊᓗᑎᒃ; (2) ᕿᑭᖅᑕᕐᔪᐊᕐᒥ ᑐᓚᒃᑕᕐᕕᒃ ᓴᖅᑭᒋᐊᕐᓗᖑ; (3) ᓄᓇᓕᖕᓂ ᐃᖃᓗᒃᓯᐅᑉᕐᕕᐅᔪᓐᓇᖅᑐᓂᒃ ᓇᓂᓯᒋᐊᕐᓕᑦ, ᐊᐅᓱᐃᑦᑑᑉ, ᕿᑭᖅᑕᕐᔪᐊᑉ, ᐃᒃᕆᐊᕐᔫᑉ ᐊᒻᒪ ᖃᐅᓱᐃᑦᑑᑉ ᑕᕆᐅᖏᓐᓂ. (ᓄᓇᓖᑦ ᑎᓴᒪᑦ ᓇᖕᒥᓂᑲᖅᑐᑦ ᑲᑐᔾᔨᖃᑎᒋᖑᔪᑦ); ᐊᒻᒪᓗ (4) ᐊᓯᖏᓐᓂᒃ ᐃᖃᓗᒃᓯᐅᕐᕈᑎᓂᒃ ᐱᓕᕆᐊᖃᓗᑎᒃ.



ᕿᑭᖅᑕᕐᔪᐊᕐᒥ ᑐᓚᒃᑕᕐᕕᒃᓴᕐᒥᒃ ᖃᐅᔨᓴᐃᓂᖅ

2012−ᒥ, ᓄᓇᕗᑦ ᒐᕙᒪᒃᑯᖏᑦᑕ ᐱᕙᓪᓕᐊᔪᓕᕆᔨᒃᑯᖏᓐᓂᑦ ᐊᒻᒪ ᓇᑦᑎᓕᕆᔨᒃᑯᖏᓐᓂᑦ ᐃᑲᔪᖅᑕᐅᓪᓗᑎᒃ ᕿᑭᖅᑕᕐᔪᐊᕐᒥ ᑐᓚᒃᓴᕐᕕᒃᓴᖅ ᖃᐅᔨᓴᖅᑕᐅᑎᓪᓗᖑ.


ᑕᓐᓇ ᖃᐅᔨᓴᐃᔾᔪᑕᐅᔪᖅ ᖃᓄᖅ ᑐᓚᒃᑕᕐᕕᑲᖅᐸᑦ ᕿᑭᖅᑕᕐᔪᐊᕐᒥ ᐊᖅᑕᐅᑦᑕᕋᔭᖅᑐᖅ ᐃᑲᓗᒃᓯᐅᖅᑎᓂᑦ ᐊᖑᓇᓱᒃᑎᓂᓪᓗ ᐅᑯᓂᖓ ᖃᐅᔨᓴᐃᓗᐊᖅᖢᑎᒃ ᖃᐅᔨᓴᖅᑕᐅᓂᑯ:


  • ᖃᓄᖅ ᐊᑐᕐᓂᖃᕋᔭᖅᐸ ᑐᓚᒃᑕᕐᕕᒃ ᕿᑭᖅᑕᕐᔪᐊᕐᒥ;

  • ᐱᕙᓪᓕᐊᔪᓕᕆᓂᕐᒧᑦ ᐊᑐᕐᓂᕆᓇᔭᖅᑕᖓ ᐊᒻᒪᓗ ᐃᓅᓯᕐᓄᑦ (ᐃᖅᑲᓇᐃᔮᑦ ᐊᒻᒪ ᑮᓇᐅᔭᓕᐅᕐᓂᖅ) ᐃᑲᔫᑎᐅᓇᔭᖅᑐᑦ ᓄᓇᕗᒻᒧᑦ ᐊᒻᒪ ᑲᓇᑕᒧᑦ, ᑐᓚᒃᑕᕐᕕᖃᓕᕈᑎᒃ ᐃᖃᓗᒃᓯᐅᖅᑎᑦ, ᓂᐅᕋᐃᕝᕕᖃᓕᕈᑎᒃ ᐊᒻᒪ ᐃᖃᓗᒃᓯᐅᑏᑦ ᓄᓇᕗᒻᒥ ᐊᐅᓚᕐᕕᖃᓕᕈᑎᒃ

  • ᖃᓄᖅ ᑮᓇᐅᔭᓄᑦ ᐊᑐᑦᑎᐊᕐᓂᖅᓴᐅᓇᔭᖅᐸ ᓄᓇᕗᒻᒥ ᑐᓚᒃᑕᒃᕕᖃᓕᖅᐸᑦ ᐃᑲᔪᕐᓂᖃᕋᔭᖅᐸ ᖃᓄᖅ ᓄᓇᕗᒻᒧᑦ ᐊᒻᒪᓗ ᓂᐅᕙᐅᓪᓛᓐᒧᑦ;

  • ᖃᓄᖅ ᐊᑐᖅᑕᐅᒃᑲᓐᓂᕈᓐᓇᖅᐸ ,ᑭᒃᑯᓐᓂᑦ (ᐅᓇᑕᖅᑐᒃᓴᑦ, ᓯᑯᓕᕆᔨᒃᑯᑦ, ᐊᒻᒪ ᐊᓯᖏᑦ ᐅᒥᐊᕐᔪᐊᑦ);

  • ᐊᑯᑭᑦᑐᓂ ᐊᒻᒪ ᓂᕕᕙᐅᓪᓛᓐᒥ ᑐᓚᒃᑕᕐᕕᑦ ᕿᒥᕐᕈᔭᐅᕗᑦ ᐊᐅᓚᓐᓂᖏᑦ ᓴᓇᔭᐅᓯᒪᓂᖏᑦ ᕿᒥᕐᕈᐊᖅᑕᐅᓪᓗᑎᒃ ᐊᒻᒪᓗ ᐊᐅᓚᑕᐅᓂᖏᓐᓂᒃ ᑐᕿᓯᒋᐊᖅᖢᑎᒃ; ᐊᒻᒪ

  • ᐅᓯᑲᖅᑕᕐᓂᖅ ᐅᑭᐅᖅᑕᖅᑐᕐᒧᑦ ᐊᕿᕿᓐᓂᖅᓴᐅᓕᕋᔭᖅᑐᖅ ᐊᑐᖅᑕᐅᓕᖅᐸᑦ



ᐅᒥᐊᕐᔪᐊᖅ ᓂᐅᕋᐃᕝᕕᐅᓇᔭᖅᑐᖅ ᐃᖃᓗᒃᑕᕐᓄᑦ ᐅᖃᐅᓯᖅ

2012−ᒥ ᐅᑭᐅᕆᔭᐅᔪᒥ, ᓄᓇᕗᑦ ᒐᕙᒪᒃᑯᖏᑦᑕ ᐱᕙᓪᓕᐊᔪᓕᕆᔨᒃᑯᖏᓐᓂᑦ ᐊᒻᒪ ᓇᑦᑎᓕᕆᔨᒃᑯᖏᓐᓂᑦ ᐃᑲᔪᖅᑕᐅᓪᓗᑎᒃ ᖃᐅᔨᓴᐃᓯᒪᕗᑦ, ᖁᐊᒃᑯᕕᐅᓗᓂ ᐅᒥᐊᕐᔪᐊᖅ ᓂᐅᕋᐃᕝᕕᐅᓇᔭᖅᑐᖅ ᐃᖃᓗᒃᓯᐅᖅᑎᓂᑦ ᖃᐅᔨᓴᖅᑕᐅᓪᓗᓂ. ᓂᐅᕋᐃᕝᕕᖃᓕᕈᑎᒃ ᓄᓇᕗᒻᒥ ᑲᓇᑕᒥ ᐊᑭᑭᓐᓂᖅᓴᒥᒃ ᐊᑐᓕᕋᔭᖅᑐᑦᑐᑦ ᐃᓗᒃᓯᐅᖅᑏᑦ , ᐅᖅᓱᐊᓗᒃ ᐊᑐᓐᖏᓐᓂᖅᓴᖅ, ᐅᓪᓗᑦ ᐃᖃᓗᒃᓯᐅᕐᕖᑦ ᐃᓚᒋᐊᕐᓗᑎᒃ (ᐅᓯᖃᑦᑕᕐᓂᖅ ᐊᑭᑭᒋᐊᕋᔭᖅᑐᖅ ᓇᓗᓇᕋᓂ). ᖃᐅᔨᓴᐃᕗᑦ ᓂᐅᕋᐃᕝᕕᖃᕈᑎᒃ ᑯᐊᕐᒃᑯᕕᑲᖅᑐᒥᒃ ᐅᒥᐊᒥᒃ ᓄᓇᕗᒻᒥ ,ᕿᑭᖅᑕᕐᔪᐊᕐᒥ ᓂᐅᕋᐃᑦᑕᕈᑎᒃ ᐊᑭᑭᓪᓕᒋᐊᕋᔭᖅᑐᖅ ᐱᓪᓗᒍ. ᐅᓪᓗᒥ ᓂᐅᕋᐃᔭᖅᑐᖅᐸᒃᐳᑦ ᓂᐅᕙᐅᓪᓛᓐᒥ ᐅᕝᕙᓘᓐᓃᑦ ᓄᒃ, ᐊᒻᒪᓗ ᓯᓯᒥᐅᑦ ᐊᑯᑭᑦᑐᓂ. ᐊᑐᖅᑕᐅᒋᐊᕈᒪᓕᖅᑐᖅ ᖃᐅᒡᓴᖅᑕᐅᓗᓂ ᖃᓄᖅ ᐊᑐᕈᓐᓇᕆᐊᖓᓂᒃ ᐊᑭᑭᓐᓂᖅᓴᐅᓗᓂ ᑖᒪᓐᓇ. ᑭᕕᐅᖅ ᖃᐅᔨᓴᐃᔭᖅᑐᖅᓯᒪᑎᓪᓗᒍ ᖃᓕᕋᓕᖃᕆᐊᖓᓂᒃ ᑕᕆᐅᖓᑦ ᓄᓇᓖᑦ ᖃᐅᔨᓴᐃᓂᖅ ᐱᐊᓕᓚᐅᖅᐳᖅ 2013−ᒥ.


ᑭᕕᐅᖅ ᐅᓯᑲᖅᑕᖅᑕᐅᓪᓗᓂ ᓂᐅᕕᐊᒃᓴᓂᒃ ᓴᐃᓐ ᔭᐊᓐᒥ ᓄᓇᓕᖕᓄᑦ ᒪᕐᕈᐃᓄᑦ ᐅᓯᓚᐅᖅᐳᖅ ᐃᓚᒋᔭᐅᔪᓄᑦ. ᓂᐅᕋᐃᕋᓂᒃᑲᒥ ᓱᕙᒃ ᑲᑎᑉᐸᖓ ᕿᑭᖅᑕᕐᔪᐊᕐᒥ ᐅᓯᓕᓚᐅᖅᐳᖅ ᖃᓕᕋᓕᖕᓂᒃ ᐃᖃᓗᒃᑕᐅᔪᓂᒃ ᓴᐃᓐ ᔭᐊᓐᒧᑦ ᓂᐅᕋᐃᔭᖅᑐᓕᖅᖢᓂ, ᓂᐅᕕᐊᒃᓴᐅᓂᐊᖅᑐᓂᒃ. ᓱᕙᒃ ᐊᑯᑭᑦᑐᓄᑦ ᓂᐅᕋᐃᔭᖅᑐᕆᐊᖃᓚᐅᓐᖏᑦᑐᖅ.



ᐃᖃᓗᒃᓯᐅᖅᖢᑎᒃ ᖃᐅᔨᓴᐃᔪᑦ


2013−ᒥ, ᑲᑐᔾᔨᖃᑎᒋᒃᑯᑦ ᖃᐅᔨᒪᐃᓚᐅᖅᓯᒪᕗᑦ ᕿᑭᖅᑕᕐᔪᐊᑉ ᐊᒻᒪ ᐊᐅᓱᐃᑦᑑᑉ ᑕᕆᐅᖏᓐᓂ ᖃᓕᕋᓕᖃᕆᐊᖓᓂᒃ ᕿᓕᖅᖢᑎᒃ, ᐃᖃᓗᒃᓯᐅᑕᐅᔪᓐᓇᖅᑐᓂᒃ ᓄᓇᓕᖕᓂᑦ. ᑕᒃᑯᐊᓕ ᐱᓕᕆᐊᑦ ᑮᓇᐅᔭᓄᑦ ᐃᑲᔪᖅᑕᐅᓚᐅᕆᕗᑦ ᑳᓐᓄᐊᑦᑯᓐᓂᑦ, ᑲᓇᑕᒥ ᖃᐅᔨᓴᖅᑎᒃᑯᓐᓂᑦ, ᐊᒻᒪᓗ ᓄᓇᕗᑦ ᒐᕙᒪᒃᑯᓐᓂᑦ. ᕿᑭᖅᑕᕐᔪᐊᑉ ᓂᖏᐊᓂ ᐊᒻᒪᓗ ᑲᓇᖕᓇᖓᓂ ᖃᓕᕋᓕᖕᓂᒃ ᓇᓂᓯᓚᐅᖅᐳᑦ ᓯᒡᔭᐅᑉ 25 ᐊᒻᒪ 50 nmi −ᓂᒃ ᑕᕆᐅᕐᒦᑦᑐᓂᒃ ᐊᒻᒪ ᐃᑎᓂᑲᖅᑐᒥ 300−ᒥᑦ 700 fathoms−ᒥᒃ. ᐃᓴᒪᓕᖅᐳᑦ ᐅᒥᐊᒃᑯᑦ ᓄᓇᑲᖅᑐᑦ ᕿᑭᖅᑕᕐᔪᐊᕐᒥ ᖃᓕᕋᓕᖓᓱᖑᓐᓇᖅᑐᑦ. ᖃᐅᔨᓴᐃᓪᓗᑎᒃ ᐃᓕᓐᓂᐊᖅᑐᑦ ᕿᑭᖅᑕᕐᔪᐊᕐᒥ ᐊᒻᒪᓗ ᐊᐅᓱᐃᑦᑐᒥ ᐃᖅᑲᓇᐃᔭᖅᑎᑕᐅᓚᖅᐳᑦ 19 −ᒍᓪᓗᑎᒃ.


2014−ᒥ ᑲᑐᔾᔨᖃᑎᒋᒃᑯᑦ ᖃᐅᔨᓴᖅᑕᒥᖕᓂᒃ ᐃᓚᖏᐊᖅᓯᓚᐅᖅᐳᑦ ᓯᓚᑦᑐᕐᓴᕐᕕᒃ ᒪᒨᓕᔪᖅ ᐱᓕᕆᖃᑎᒋᓪᓗᖏᑦ. ᖃᐅᔨᓴᐃᔪᑏᑦ ᑮᓇᐅᔭᑦ ᑐᓂᔭᐅᓂᑯᑦ ᐊᑐᖅᖢᖏᑦ ᑳᓐᓄᐊᒃᑯᓐᓂᑦ, ᓄᓇᕗᑦ ᒐᕙᒪᒃᑯᓐᓂᑦ ᐊᒻᒪ Oceans North−ᑯᓐᓂᑦ. ᐅᑯᕿᑦᑐᑦ ᐊᒻᒪ ᐊᐅᓱᐃᑑᑉ ᑕᕆᐅᖓᓂ ᖃᐅᔨᓴᐃᔪᑦ ᐊᒻᒪᓗ ᕿᑭᖅᑕᕐᔪᐊᑉ ᑕᕆᐅᖓᓂ. ᐃᖅᑲᖓᓂ ᐆᒪᔪᑦ ᐱᕈᖅᑐᓪᓗ ᑲᑎᑕᐅᓚᐅᕆᕗᑦ ᖃᐅᔨᒪᖓᒃᓴᑦ. ᐊᐅᓱᑦᑐᒥ ᐊᒻᒪ ᕿᑭᖅᑕᕐᔪᐊᕐᒥ ᐃᓕᓐᓂᐊᖅᑐᑦ 10 ᐃᖅᑲᓇᐃᔭᓚᐅᖅᐳᑦ.


ᖃᐅᔨᔾᔪᑕᐅᕗᑦ ᐃᖃᓗᒃᑕᐅᔪᓐᓇᖅᑐᑦ ᓄᓇᑲᖅᖅᑐᓂ ᐱᑕᑲᖅᑐᑦ ᓂᕿᒃᓴᖅᓯᐅᖅᑐᓂ ᓂᕿᒃᓴᑦ. ᐱᓕᕆᐊᖑᔪᓐᓇᖅᑐᑦ ᓄᓇᓕᖕᓂᑦ. ᓯᐅᓐᓈᓄᑦ ᒥᑭᒋᐊᑦ ᓄᓇᓕᖕᓂ ᐊᑐᖅᑕᐅᔪᓐᓇᖅᑐᑦ ᐊᒻᒪᓗ ᑭᒍᒃᐸᖕᓄᑦ. ᐅᓄᖅᑐᓂᒃ ᓯᐅᓐᓈᓂᒃ ᐊᒻᒪ ᑭᒍᒃᐸᕐᓂᒃ ᐱᓚᐅᖅᐳᑦ, ᑭᒍᒃᓯᐅᑎᐅᓇᑎᒃ ᑭᒍᒃᐸᖕᓂᒃ ᒥᑭᒋᐊᓚᐅᕆᕗᑦ.


ᖃᐅᔨᓴᐃᓂᖅ ᒪᕐᕈᐃᖢᑎᒃ 2013−ᒥ ᐊᒻᒪᓗ 2014−ᒥ ᐊᑐᓚᐅᖅᑎᓪᓗᒍ,ᐊᐅᔭᖅᔪᖅ 2015−ᒥ ᐅᑭᐅᓄᑦ ᑕᓪᓕᒪᓄᑦ ᖃᐅᔨᓴᐅᓂᖅ ᐊᑐᖅᑕᐅᒋᐊᕐᓂᐊᖅᑐᖅ. ᓂᕿᓄᑦ ᐊᑭᑭᓐᓂᖅᓴᓄᑦ ᖃᐅᔨᒋᐊᕈᒪᔪᑦ ᐊᒻᒪ ᖃᐅᔨᓴᖅᑎᓂᑦ ᑕᕆᐅᑦᑎᖕᓂ ᖃᐅᔨᔭᖅᑕᐅᔪᒪᔪᓂᒃ ᖃᐅᔨᓴᐃᓗᑎᒃ. ᑭᕕᐅᖅ 1 ᐊᑐᖅᑕᐅᓇᔭᖅᐳᖅ ᖃᐅᔨᓴᐃᔪᓂᑦ. 2015−ᒥ, ᖃᐅᔨᒋᐊᕐᓕᓂᐊᖅᑐᑦ ᖃᓕᕋᓖᑦ, ᑭᒍᒃᐸᐃᑦ, ᐊᒻᒪ ᓯᐅᓐᓇᑦ ᐱᑕᖃᕆᐊᖏᑦ ᐃᖃᓗᒃᓯᐅᖅᑕᐅᔪᒥᓇᖅᑐᑦ ᐅᓄᕐᓂᖏᑦ, ᐃᒃᐱᐊᕐᔪᑉ ᐊᒻᒪᓗ ᖃᐅᓱᐃᑦᑐᑉ ᑕᕆᐅᖏᓐᓂ. ᓯᒡᔭᒥ ᖃᐅᐃᓕᖓᒋᐊᖓ ᖃᐅᔨᓴᖅᑕᐅᕙᓪᓕᐊᓂᕐᒥᔪᖅ. ᓯᓚᑦᑐᕐᓴᕐᕕᖕᒥ ᑕᕆᐅᕐᒥᐅᑕᓕᕆᔨᓂᒃ ᖃᐅᔨᓴᐃᖃᑎᑲᖅᐳᑦ ᑲᓱᔾᔨᖃᑎᒌᑦ. ᕿᑭᖅᑕᕐᔪᐊᑉ ᑕᕆᐅᖓᓂ ᖃᓕᕋᓖᑦ ᒥᑭᒋᐊᑲᖅᑐᒧᑦ ᑭᑉᐹᕆᒃᑐᒧᑦ ᐳᖅᐸᓪᓗᑎᒃ ᐱᔭᐅᔪᓐᓇᕆᐊᖏᑦ ᖃᐅᔨᓴᖅᑕᐅᓂᐊᖅᑐᑦ, ᐃᖃᓗᒡᔪᐊᑦ ᒪᑦᑎᐊᑕᐅᑎᓂᒃ ᐊᑐᕈᑎᒃ ᐱᔭᐅᕙᒃᑐᑦ ᐊᓐᖏᑦᑐᓐᓇᕆᐊᖏᑦ ᖃᐅᔨᒋᐊᖅᑕᐅᓗᑎᒃ, ᐴᒧᑦ ᒥᑭᒋᐊᑲᖅᑐᒧᑦ ᖃᓕᕋᓕᖓᓱᒃᑯᑎᒃ, ᐃᖅᑲᖓᓂ ᐃᓕᓯᒪᔪᒥᒃ ᐃᖃᓗᒡᔪᐊᑦ ᐱᔭᐅᓐᖏᓐᓂᖅᓴᐅᓇᔭᖅᑐᖅ ᐃᓱᒪᒋᓪᓗᒍ. ᑭᕕᐅᖅ ᐊᑐᖅᑕᐅᓗᓂ ᖃᐅᔨᓴᖅᑎᑦ ᖃᐅᔨᓴᐃᓂᐊᕐᒥᔪᑦ ᖃᓕᕋᓖᑦ ᐃᓂᖏᓐᓂᒃ ᐊᖅᑯᑎᖏᓐᓂᒃ ᖃᕆᑕᐅᔭᒃᑯᑦ.