• ᐊᖏᕐᕋᖓ
• ᐅᑭᐅᖅᑕᖅᑐᕐᒥ ᐃᖃᓗᒃᓯᐅᖅᑎᑦ ᑲᑐᔾᔨᖃᑎᒋᒃᑯᖏᑦ
  • ᐊᑐᖅᓯᒪᔪᑦ ᓯᕗᓂᐊᓂ
  • ᓇᖕᒥᓂᑲᖅᑐᑦ ᐃᒪᓐᓇ
  • ᐋᖅᑭᐅᒪᓂᖅ
  • ᐃᖃᓗᒃᑕᐅᔪᓐᓇᖅᑐᑦ ᐅᓄᖕᓂᖏᑦ
  • ᑲᑐᔾᔨᖃᑎᒌᒃᖢᑎᒃ ᐱᓕᕆᐊᖑᔪᑦ ᐊᖏᕈᑦᑏᑦ
  • ᓄᓇᓖᑦ
• ᐃᓄᐃᑦ
  • ᑲᑎᒪᔩᑦ
  • ᐊᐅᓚᑦᑎᔨᐅᔪᑦ
  • ᓄᓇᓕᒃᓂ ᑐᓴᐅᒪᑎᑦᑎᔩᑦ
• ᐅᒥᐊᑦ
  • ᐅᒥᐊᑉ ᐊᖅᑯᑎᐊᓂᒃ ᖃᐅᔨᓴᐅᑎ
• ᐱᕙᓪᓕᐊᔭᖏᑦ
• ᐱᓕᓪᓕᐊᔪᑦ ᐱᓕᕆᐊᑦ
• ᐃᖅᑲᓇᐃᔭᖅᑕᒍᔪᓐᓇᖅᑐᑦ

ᐊᐅᓚᑦᑎᔩᑦ

ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᐅᓚᑦᑎᔨᖏᑦ ᖃᐅᔨᒪᔭᖃᐅᕐᑐᑦ ᑮᓇᐅᔭᒃᓴᕐᓂᕐᒥᒃ ᐃᖃᓗᓕᕆᓂᒃᑯᑦ. ᑲᑎᒪᔨᐅᔪᑦ ᐋᕿᒃᑕᖏᓐᓂᒃ ᒪᓕᒃᖢᑎᒃ, ᐊᐅᓚᑦᑎᔨᐅᔪᑦ ᐱᓕᕆᐊᖃᖃᑦᑕᕐᑐᑦ ᑲᔪᓯᑦᑎᐊᕐᑎᑦᑎᓇᓱᒃᖢᑎᒃ ᐊᐅᓚᓂᖓᓂᒃ ᐊᒻᒪᓗ ᑐᕋᒐᐅᔪᓂᒃ ᐊᖏᓛᖑᔪᒃᑯᑦ ᐱᕙᓪᓕᕐᑎᑦᑎᖁᓪᓗᒋᑦ ᐱᖁᑎᖃᕐᑎᐅᔪᑦ. ᐊᕋᒍᓄᑦ 10 ᐃᓚᐅᖃᑦᑕᕐᓯᒪᓕᕐᑐᑦ ᓄᓇᕘᒥ ᐃᖃᓗᒐᓱᒃᓂᕐᒧᑦ, ᑲᑎᒪᔨᐅᔪᑦ ᐊᐅᓚᑦᑎᔨᖏᓪᓗ ᐅᒃᐃᕈᓱᑦᑎᐊᕐᑐᑦ ᓴᕿᑉᐸᓪᓕᐊᓂᐊᕐᓂᖓᓂᒃ ᐱᔪᓐᓇᕐᓯᕙᓪᓕᐊᓗᑎᒃᓗ ᐱᕕᖃᕐᓂᐅᔪᓂᒃ ᐱᓇᓱᒃᐸᓪᓕᐊᓗᑎᒃ ᓯᕗᓂᒃᓴᒥ.

ᐃᒃᓯᕙᐅᑕᖓ ᐊᐅᓚᑦᑎᔨᒻᒪᕆᒃᓗ:

ᓘᑎ ᑑᒪᓯ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐃᒃᓯᕙᐅᑕᓪᓗᓂ ᐊᐅᓚᑦᑎᔨᒻᒪᕆᐅᓪᓗᓂᓗ, ᐊᒻᒪᓗ ᐃᓂᒋᓯᒪᔭᖓ ᑕᐃᒪᖓᑦ ᐱᒋᐊᕐᑎᓪᓗᒍ 2008. ᓯᕗᓂᐊᓂ ᑑᒪᓯ ᐃᒃᓯᕙᐅᑕᐅᓚᐅᕐᑐᖅ ᓇᑦᑎᕙᒃ ᐊᖑᓇᓱᒃᑐᓕᕆᔨᒃᑯᓐᓄᑦ ᐊᒻᒪᓗ ᒪᐃᔪᓚᐅᕐᑐᖅ ᕿᑭᕐᑕᕐᔪᐊᕐᒥ. ᐃᒃᓯᕙᐅᑕᐅᖃᑦᑕᕐᓯᒪᓪᓗᓂᓗ ᓄᓇᕘᒥ ᕼᐊᒻᓚᒃᑯᑦ ᑲᑐᔾᔨᖃᑎᒋᖏᓐᓄᑦ. ᑑᒪᓯ ᐱᒋᐊᕐᑎᑦᑎᖃᑕᐅᓯᒪᖃᑦᑕᓪᓚᕆᒃᑐᖅ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᑐᕋᒐᖏᓐᓂᒃ ᐃᑲᔫᑕᐅᔪᑦ ᑮᓇᐅᔭᒃᓴᕐᓂᒃᑯᑦ ᐃᖃᓗᓕᕆᓂᒃᑯᑦ ᐱᔭᐅᓂᕐᓴᐅᖁᓪᓗᒋᑦ ᓄᓇᕘᒥᐅᓄᑦ. ᑑᒪᓯ ᓯᕗᓕᕐᑎᐅᓂᖓ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᖃᐅᔨᒪᔭᕐᒥᓂᒃ ᐃᓕᓯᒪᔭᕐᒥᓂᒃᓗ ᐊᑐᑎᖃᕐᑎᑦᑎᖃᑦᑕᕐᐳᖅ ᖃᓄᕐ ᓄᓇᕘᒥ ᓇᑖᕐᓇᐃᑦ ᐊᐅᓚᑕᐅᓂᖏᓐᓂᒃ.

ᐊᐅᓚᑦᑎᔨ:

ᕼᐊᕆ ᐃᐅᕈ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᐅᓚᑦᑎᔨᒋᔭᖓ. ᖃᐅᔨᒪᔭᖃᐅᕐᑐᖅ ᐃᖃᓗᓕᕆᓂᕐᒥᒃ ᑮᓇᐅᔭᒃᓴᕐᓂᕐᒥᒃᓗ ᐱᕙᓪᓕᐊᑎᑦᑎᓂᕐᒥᒃ. ᐃᐅᕈ ᓈᓴᐃᔨᐅᓂᕐᒥᒃ ᐃᓕᓴᕆᔭᐅᓂᖃᕐᑐᖅ ᐊᒻᒪᓗ ᐊᕋᒍᓄᑦ 8-ᓄᑦ ᑐᖏᓕᐅᓚᐅᕐᑐᖅ ᑮᓇᐅᔭᓕᕆᓂᕐᒧᑦ ᐅᑯᓄᖓ Fishery Products Ltd. ᑕᐃᓱᒪᓂ ᐊᖏᓛᖑᑎᓪᓗᒍ ᐃᖃᓗᓕᕆᓂᕐᒧᑦ ᐱᔨᓯᕐᑐᓄᑦ ᐊᑦᓛᓐᑎᒃ ᑲᓇᑕᒥ. ᐃᐅᕈ ᐃᖃᓇᐃᔭᖃᑦᑕᕐᓯᒪᒃᒥᔪᖅ ᑖᒃᓯᔭᐃᓂᕐᒧᑦ ᓈᓯᐅᔨᓄᑦ. ᐊᕋᒍᓂ ᖃᖓᑦᑎᐊᖑᔪᖅ ᑮᓇᐅᔭᒃᓴᕐᓂᕐᒧᑦ ᐊᒻᒪᓗ ᐅᖃᐅᔾᔨᒋᐊᕐᑎᐅᓪᓗᓂ ᐃᑲᔪᕐᑕᐅᓇᓱᒃᑐᓄᑦ.

ᐊᕋᒍ 10 ᐃᓗᐊᓂ, ᐃᐅᕈ ᐊᐅᓚᑦᑎᔨᐅᓯᒪᓪᓗᓂ. ᒫᓐᓇᒧᑦ ᑎᑭᓪᓗᒍ, ᐃᑲᔪᕐᑕᐅᓪᓗᓂ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᑲᑎᒪᔨᖏᓐᓄᑦ, ᐱᖁᕐᑎᑦᑎᓯᒪᔪᖅ ᐃᖃᓗᓕᕆᓂᕐᒥᒃ ᐊᐅᓚᓂᖓᓂᒃ ᓂᖏᕐᑕᑐᐃᓐᓇᕐᑎᐅᓚᐅᕐᑐᓂᒃ ᑮᓇᐅᔭᕐᓴᕐᑎᐅᓕᕐᖢᑎᒃ ᐃᖃᓗᒐᓱᒃᓂᒃᑯᑦ ᐊᖏᓛᖑᔪᒥᒃ ᑮᓇᐅᔭᑎᒍᑦ ᐃᓄᓯᖏᓐᓄᓪᓗ ᐅᑎᕐᑎᕕᐅᖁᓪᓗᒋᑦ ᐃᖃᓗᒐᓱᒃᓂᒃᑯᑦ.

ᐊᐅᓚᓂᖓᓄᑦ ᐊᐅᓚᑦᑎᔨ:

ᓴᓐᕙ ᒧᐊᑎᓐᓴᓐ ᐃᖃᓇᐃᔭᕐᑎᑖᖑᓚᐅᕐᑐᖅ 2016 ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᐅᓚᓂᖓᓄᑦ ᐊᐅᓚᑦᑎᔨᐅᓪᓗᓂ. ᖃᐅᔨᒪᔭᖃᐅᕐᑐᖅ ᐃᖃᓗᓕᕆᓂᕐᒥᒃ ᑮᓇᐅᔭᒃᓴᕐᓂᕐᒥᒃᓗ. ᒧᐊᑎᓐᓴᓐ ᑕᐃᓂᓯᒥᐅᓂᑦ ᐃᓕᓴᕆᔭᐅᓂᖃᕐᑐᖅ ᓈᓴᐅᔨᐅᓂᕐᒥᒃ, ᑖᒃᓯᓕᕆᓂᕐᒥᒃ ᐊᒻᓗ ᑮᓇᐅᔭᓕᕆᓂᕐᒥᒃ, ᐊᒻᒪᓗ ᐊᕋᒍᓄᑦ 16-ᓄᑦ ᐊᖓᔪᖃᖑᖃᑦᑕᕐᓯᒪᓪᓗᓂ ᑭᖑᒃᐸᒐᓱᒃᑎᓄᑦ Farocan Incorporated ᑎᒍᒥᐊᕐᑎᐅᔪᓪᓗ, ᐱᓇᓱᖃᑦᑕᕐᓯᒪᔪᑦ ᓄᓇᕘᑦ ᑕᕆᐅᖓᓂ ᐅᕿᖏᓐᓂᖏᓐᓂᒃ ᓂᖏᕐᑕᕐᓂᒃᑯᑦ ᐃᓚᐅᖃᑕᐅᓪᓗᑎᒃ. ᖃᖓᑦᑎᐊᖑᓚᐅᕐᑐᖅ ᐃᖃᓇᐃᔭᕐᑎᐅᓚᐅᕐᑐᖅ ᓈᓴᐃᔩᑦ Nasaijit Services Ltd., ᓄᓇᕘᒥ ᑮᓇᐅᔭᓕᕆᓂᕐᒧᑦ ᐱᔨᓯᕐᑎᐅᔪᑦ ᐃᖃᓗᖕᓂ. ᐊᕋᒍᖏᓐᓂ 2011 ᑎᑭᓪᓗᒍ 2016, ᑐᐊᑎᓐᓴᓐ ᑮᓇᐅᔭᓕᕆᓂᕐᒧᑦ ᐊᖓᔪᖃᖑᓚᐅᕐᑐᖅ ᐃᓄᐃᑦ ᐃᑦᑕᕐᓂᓴᓕᕆᔨᒃᑯᓐᓄᑦ Inuit Heritage Trust Incorporated (IHT), ᑎᒥᐅᔪᑦ ᓴᕿᑕᐅᓯᒪᔪᑦ ᓄᓇᕘᑦ ᐊᖏᕈᑎᓂ ᐃᓂᖃᕐᖢᑎᒃᓗ ᐃᖃᓗᐃᑦ, ᓄᓇᕗᑦ.

ᐅᒥᐊᕐᔪᐊᓄᑦ ᐊᐅᓚᑦᑎᔨ:

ᐳᕆᓐᑕᓐ ᐆᑎᐅᓪ ᐃᖃᓇᐃᔭᕐᑎᒋᔭᐅᓕᓚᐅᕐᑐᖅ 2011 ᐅᒥᐊᕐᔪᐊᓄᑦ ᐊᐅᓚᑦᑎᔨᐅᓪᓗᓂ. ᐊᒻᒪᓗᑦᑕᐅᖅ, ᐆᑎᐅᓪ ᓱᕙᒃᒦᖃᑦᑕᓚᐅᕐᒥᔪᖅ ᐃᓕᓐᓂᐊᕐᑎᑦᑎᕙᓪᓕᐊᓪᓗᓂᓗ ᐃᓄᒃᓂᒃ ᐃᖃᓗᒐᓱᒃᑎᐅᔪᓂᒃ. ᐳᕋᓐᑎᓐ ᐃᓚᐅᖃᑕᐅᓚᐅᕐᒥᔪᖅ ᐃᖃᓗᓕᕆᓂᕐᒧᑦ ᐊᕋᒍᓄᑦ 25-ᓄᑦ, ᐊᕋᒍᓄᑦ 20 ᐃᖃᓗᒐᓱᖃᑕᐅᓯᒪᓪᓗᓂ ᓇᑖᕐᓇᓄᑦ. ᐱᓕᕆᐊᒃᓴᕆᓚᐅᕐᒥᔭᖓ ᐱᐅᑎᑦᑎᒋᐊᕐᑎᐅᓪᓗᓂ ᐊᒻᒪᓗ ᐊᐅᓚᑦᑎᔨᐅᓪᓗᓂ ᐅᒥᐊᔪᐊᓂᒃ.

ᑮᓇᐅᔭᓕᕆᔨ:

ᐹᓪ ᑯᕋᒻᒥᐅᓪ ᐃᖃᓇᐃᔭᕐᑎᑖᖑᓚᐅᕐᑐᖅ 2014 ᑮᓇᐅᔭᓕᕆᔨᐅᓪᓗᓂ. ᐸᓪ ᖃᐅᔨᒪᔭᖃᐅᕐᑐᖅ ᑮᓇᐅᔭᓕᕆᓂᕐᒥᒃ ᐊᕋᒍᓄᑦ 35-ᓄᑦ. ᑭᖑᓂᑦᑎᓐᓂ ᐃᖃᓇᐃᔭᖃᑦᑕᕐᓯᒪᔪᖅ ᑮᓇᐅᔭᓕᕆᔨᓄᑦ ᐱᖃᓯᐅᑎᓪᓗᒍ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᑮᓇᐅᔭᓕᕆᓂᕐᒧᑦ ᐅᖃᐅᔾᔨᒋᐊᕐᑎᐅᓪᓗᓂ ᓈᓴᐃᔨᐅᓪᓗᓂᓗ ᐅᑯᓄᖓ Pricewaterhouse Coopers.

ᓄᓇᓕᒃᓂ ᐱᕙᓪᓕᐊᓂᕐᒧᑦ ᐱᓕᕆᔨ:

ᒫᒃ ᐊᕿᐊᕈᖅ ᐃᓚᒋᔭᐅᓕᓚᐅᕐᑐᖅ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ 2015 ᓄᓇᓕᒃᓂ ᐱᕙᓪᓕᐊᓂᕐᒧᑦ ᐱᓕᕆᔨᐅᓪᓗᓂ. ᐊᐅᓚᑦᑎᔨᐅᓚᐅᕐᑐᖅ ᐊᐃᕕᖅ ᐊᖑᓇᓱᒃᑐᓕᕆᔨᒃᑯᓐᓄᑦ ᐊᐅᓱᐃᑦᑐᒥ, ᒫᒃ ᖃᐅᔨᒪᑦᑎᐊᕐᑐᖅ ᑐᑭᒧᐊᒃᑎᑦᑎᓂᕐᒧᑦ ᐃᓄᓯᓕᕆᓂᒃᑯᑦ ᑮᓇᐅᔭᓕᕆᓂᒃᑯᓪᓗ ᐱᕙᓪᓕᐊᔭᐅᔪᓂᒃ. ᐊᐅᓚᑦᑎᓪᓗᓂ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᐃᑲᔪᖃᑦᑕᕐᖢᓂᒋᑦ ᐊᖑᓇᓱᒃᑐᓕᕆᔨᒃᑯᑦ ᐊᒻᒪᓗ ᐸᐸᑦᑎᔨᐅᔪᑦ. ᐊᒻᒪᓗᑦᑕᐅᖅ, ᐊᖓᔪᖄᖑᖃᑦᑕᕐᖢᓂ ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᓕᒃᓂ ᑐᓴᐅᒪᑎᑦᑎᔨᖏᓐᓄᑦ ᐱᖁᑎᖃᕐᑎᐅᔪᑦ ᐊᐅᓚᑦᑎᔨᖏᓪᓗ ᑐᓴᐅᒪᑎᑕᐅᕙᓪᓗᓕᐊᓂᖏᓐᓄᑦ ᒪᐃᑐᖓᑦᑎᐊᕐᖢᑎᒃᓗ.