• ᐊᖏᕐᕋᖓ
• ᐅᑭᐅᖅᑕᖅᑐᕐᒥ ᐃᖃᓗᒃᓯᐅᖅᑎᑦ ᑲᑐᔾᔨᖃᑎᒋᒃᑯᖏᑦ
  • ᐊᑐᖅᓯᒪᔪᑦ ᓯᕗᓂᐊᓂ
  • ᓇᖕᒥᓂᑲᖅᑐᑦ ᐃᒪᓐᓇ
  • ᐋᖅᑭᐅᒪᓂᖅ
  • ᐃᖃᓗᒃᑕᐅᔪᓐᓇᖅᑐᑦ ᐅᓄᖕᓂᖏᑦ
  • ᑲᑐᔾᔨᖃᑎᒌᒃᖢᑎᒃ ᐱᓕᕆᐊᖑᔪᑦ ᐊᖏᕈᑦᑏᑦ
  • ᓄᓇᓖᑦ
• ᐃᓄᐃᑦ
  • ᑲᑎᒪᔩᑦ
  • ᐊᐅᓚᑦᑎᔨᐅᔪᑦ
  • ᓄᓇᓕᒃᓂ ᑐᓴᐅᒪᑎᑦᑎᔩᑦ
• ᐅᒥᐊᑦ
  • ᐅᒥᐊᑉ ᐊᖅᑯᑎᐊᓂᒃ ᖃᐅᔨᓴᐅᑎ
• ᐱᕙᓪᓕᐊᔭᖏᑦ
• ᐱᓕᓪᓕᐊᔪᑦ ᐱᓕᕆᐊᑦ
• ᐃᖅᑲᓇᐃᔭᖅᑕᒍᔪᓐᓇᖅᑐᑦ

ᐊᑐᖅᓯᒪᔪᑦ

ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐱᒋᐊᕕᖃᓚᐅᕐᑐᑦ ᓇᑦᑎᕙᒃ ᐊᖑᓇᓱᒃᑐᓕᕆᔨᒃᑯᑦ ᓇᑖᕐᓇᒐᓱᒃᓂᕐᒥᒃ ᐃᓚᐅᖃᑦᑕᕐᑎᓪᓗᒋᑦ ᐃᖃᓗᒐᓱᒃᑕᐅᔪᒥ NAFO division 0B. ᕿᑭᕐᑕᕐᔪᐊᕐᒥ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᑦ ᑎᒍᒥᐊᕐᑎᐅᓚᐅᕐᒪᑕ ᐅᕿᖏᓐᓂᕐᒥᒃ ᓇᑖᕐᓇᕐᓄᑦ ᑕᐃᒪᖓᑦ ᕿᑎᐊᓂ 1990. ᒪᐃ 15th, 2008,ᐅᑭᐅᕐᑕᕐᑐᒥ ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᐃᑲᔪᕐᑎᒌᒃᓂᒃᑯᑦ ᐱᒋᐊᕐᑎᑕᐅᓚᐅᕐᑐᖅ ᑐᕋᒐᖃᕐᖢᑎᒃ ᐃᑲᔫᑕᐅᔪᓐᓇᕐᑐᑦ ᓯᐊᒪᒃᓂᕐᓴᐅᖁᓪᓗᒋᑦ ᐅᓄᕐᓂᕐᓴᐅᔪᑦ ᐃᓚᐅᓕᕈᑎᒃ ᐃᖃᓗᒐᓱᒃᓂᕐᒧᑦ ᓄᓇᓕᐅᔪᑦ ᓄᓇᕘᒥ. ᐱᒋᐊᓕᓈᕐᑎᓪᓗᒍ ᐃᑲᔪᕐᑎᒌᒃᓂᒃᑯᑦ ᑲᑐᔾᔨᖃᑎᒌᖏᑦ ᑐᓂᔭᐅᓚᐅᕐᑐᑦ ᐅᕿᖏᓐᓂᕐᒥᒃ ᓯᕗᓪᓕᕐᐸᒥᒃ ᓇᑖᕐᓇᕐᓄᑦ 2009.

ᐊᕐᕌᒍᖓᓂ 2010, ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᖏᑦ ᓂᐅᕕᓚᐅᕐᑐᑦ ᓯᕗᓪᓕᕐᐸᖓᓂ ᐃᖃᓗᒐᓲᑎᒥᒃ ᐅᒥᐊᕐᔪᐊᒥᒃ, ᑕᑭᓂᖃᕐᑐᖅ 100’ ᐃᖃᓗᒐᓲᑎᖃᕐᖢᓂ ᖁᐊᑯᕕᖃᕐᖢᓂ ᓱᕙᒃ, ᐊᓯᓪᓕᕈᑕᐅᓪᓗᓂ ᓂᖓᕐᑕᑐᐃᓐᓇᕐᑐᒥᑦ ᓇᖏᒥᓂᖅ ᐃᖃᓗᒐᓱᒃᒍᓐᓇᕐᓯᓪᓗᑎᒃ. ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᖏᑦ ᐅᕿᖏᓐᓂᕐᒥᒃ ᐊᖏᓂᕐᓴᒥᒃ ᐱᑎᑕᐅᓕᓚᐅᕐᒥᔪᑦ.

ᐊᕐᕌᒍᖓᓂ 2013, ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᖏᑦ ᓂᐅᕕᒃᑲᓐᓂᓚᐅᕐᑐᑦ ᐱᖃᑕᓂᒃ ᐅᒥᐊᕐᔪᐊᒥᒃ, ᑭᕕᐅᖅ, ᐊᔾᔨᒋᔭᖓ ᐅᒥᐊᕐᔪᐊᖁᑎᖓᑕ ᓱᕙᒃ. ᑕᕙᓂᑦᑕᐃᓐᓇᖅ ᐊᕋᒍᖓᓂ, ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᖏᑦ ᐱᒃᑲᓐᓂᓚᐅᕐᑐᑦ ᐅᕿᖏᓐᓂᕐᒥᒃ ᓇᑖᕐᓇᕐᓄᑦ ᐊᖏᓕᒋᐊᕐᑕᐅᓪᓗᓂ, ᑭᖑᓪᓕᐅᓕᕈᑎᒋᓪᓗᓂ ᐊᖏᓛᒥᒃ ᑎᒍᒥᐊᕐᑎᐅᖃᑕᐅᔪᑦ ᐅᕿᖏᓐᓂᕐᒥᒃ ᓇᑖᕐᓇᕐᓄᑦ ᓄᓇᕘᒥ.

ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᖏᑦ ᐱᑖᒃᑲᓐᓂᓚᐅᕐᑐᑦ ᑮᓇᐅᔭᕐᓴᕈᑕᐅᔪᒥᒃ ᑲᑉᐸᓂᐅᔪᒥᒃ ᑕᐃᔭᐅᔪᖅ Arctic Fishery Alliance Inc. ᑕᒪᕐᒥᒃ 100% ᐱᖁᑎᒋᔭᐅᓪᓗᓂ ᐅᑯᓄᖓ AFA LP ᐊᒻᒪᓗ ᐊᐅᓚᑕᐅᓪᓗᓂ ᑮᓇᐅᔭᒃᓴᕐᑎᐅᓪᓗᑎᒃ ᐃᒻᒥᓂᒃ ᐊᐅᓚᓂᖃᕐᑐᑦ ᐊᐅᓚᑦᑎᓪᓗᑎᒃ ᑭᕕᐅᖅ ᑕᕆᐅᖓᓂ ᖃᐅᔨᓴᕐᓂᕐᒧᑦ.

ᐊᕐᕌᒍᖓᓂ 2016, ᐃᖃᓗᓕᕆᓂᕐᒧᑦ ᑲᑐᔾᔨᖃᑎᒋᖏᑦ ᑐᓂᔭᐅᓚᐅᕐᑐᑦ ᓯᕗᓪᓕᕐᐹᖑᓪᓗᓂ ᑭᖑᑉᐸᒃᓄᑦ ᐊᖏᕐᑐᐃᓐᓇᐅᓗᑎᒃᓗ ᐃᖃᓗᓕᕆᓂᕐᒧᑦ ᐱᖃᑦᑕᐅᑎᔪᑦ. ᐃᑲᔪᕐᑎᒋᒃᓂᒃᑯᑦ ᐊᐅᓚᓂᖓᓂ ᓱᓕ ᕿᓂᕐᐸᓪᓕᐊᔪᑦ ᓄᑖᖑᔪᓂᒃ ᐊᔾᔨᐅᖏᑦᑐᓂᒃᓗ ᐊᐅᓚᑕᐅᔪᓐᓇᕐᑐᓂᒃ ᐊᒻᒪᓗ ᐃᑲᔪᑕᐅᔪᓐᓇᕐᑐᓂᒃ ᐃᓄᐃᑦ ᐱᖁᑎᖃᕐᑎᐅᔪᓄᑦ.